اقرأ الوصف قبل ما تلعب اللعبة⛔

نسخة الويب ممكن تأخذ وقت طويل شوية في التحميل

--------------------

جرب تجيب 100 شخص عشوائيين جدًا، هتلاحظ إن عدد مش قليل خالص منهم عندهم اضطرابات نفسية، حتى لو كانت اضطرابات بسيطة بس ممكن تفرق في الشخصية
وفي منهم اللي اضطراباته شديدة لدرجة إنها مؤذية ليه وللي حواليه لدرجة ممكن توصل لمرض

تخيل لو الـ 100 شخص دول 100 طفل عشوائي

الأطفال بيبقى أسهل بكثير إن يتربى فيهم مشاعر سلبية تؤدي إلى اضطرابات وتناقضات ويبان قدامك طفل عادي جدًا، شقي شوية، عنيد شوية، يمكن حتى "عنيف" شوية

-----

العجيب واللي مش كل الناس عرفاه إن الإنسان بيحلم كل يوم كذا حلم، والسواد اللي بتشوفه كل يوم وقت النوم ده بس عشان أنت مش فاكر الأحلام... أنت مش فاكر إنك حلمت أساسًا

بعض الأحلام اللي تبان عشوائية جدًا بيكون ليها دلالات بشكل عميق أوي، كل علامة وكل رمز بتشوفه في حلمك هو وصف من دماغك على ازاي هو شايف الدنيا، بل إن ردود أفعالك للمواقف "الخيالية" اللي بتحصل في أحلامك مش بعيدة أوي من تصرفاتك في الواقع (مع اختلاف البيئة والوعي بين الحلم والواقع)